Unang bahin
1. Ang sakripisyo sa Bukid sa Kalbaryo padayong gisaulog diha sa Santos nga Misa.
2. Susama ang bili sa matag Misa nga gisaulog sa sakripisyo nga gihalad sa atong Ginoo diha sa iyang kinabuhi, pag-antos ug kamatayon.
3. Ang Santos nga Misa mao man ang pinakagamhanang panghimayad sa atong mga sala.
4. Sa takna sa atong kamatayon ang mga misa nga atong gitambongan mao man ang atong kahupayan.
5. Matag misa mamahimong makatabang sa imong kapasayloan sa adlaw sa panghukom.
6. Maibanan ang silot nga temporal gumikan sa imong mga sala.
7. Imong napakita ang imong pagyukbo ngadto sa atong Ginoo nga nagpakatawo.
8. Ang Santos nga Misa mao man ang mohulip sa imong mga kakulangan ug pagpasagad.
9. Mapasaylo ang mga salang venial nga wala nato makumpisal. Mahimong huyang ang gahum ni Satanas sa imong kinabuhi.
10. Matabangan ang mga kalag sa purgatoryo pinaagi sa santos nga misa.
11. Mas bililhon ug makatabang ang misa nga imong gialagaran panahon sa imong kinabuhi kaysa mga misa nga saulogon alang kanimo kun motaliwan ka na.
12. Mapanalipdan ka sa tanang mga kaaway ug mga kakuyaw.
13. Matag misa makatabang kanimo sa imong pagsaka sa kahimayaan didto sa langit.
14. Madawat mo ang bendisyon gikan sa pari nga pagahingpiton sa Dios didto sa langit.
15. Diha sa Santos nga Misa magaluhod ka taliwala sa bagang panon sa mga kaanghelan nga nihatag sa ilang dakong pagdayeg ngadto sa Dios.
16. Panalanginan ka sa imong mga kalibutanong kabtangan ug mga kalihukan.
Tulo ka mga hinungdan kun nganong makasulod ang yawa sa atong kinabuhi
Tinuod anaa ang sala nga gihimo sa matag tawo mao nga makahimo og impluwensiya sa kinabuhi sa tawo. Gawas sa occult ania pa ang laing tulo ka mga rason kun nganong nahimong makapanghilabot ang demonyo.