P609 milyon nga deposito ug disbursement sa Cebu City wala matala—COA

CEBU, Philippines — Ang Dakbayan sa Sugbo adunay kapin sa P609 milyones nga wala ma-record nga deposito ug disbursement kini base sa 2023 annual audit sa Commission on Election (COA).

Gitumbok usab sa COA ang pasaka sa wala ma-record nga deposito nga niabot ngadto sa 788 porsyento. Base sa COA report nga ang mga credit o deposito sa kasamtangang bank accounts sa siyudad nga nikabat ngadto sa P609,519,462.64 ug ang mga disbursement nga nikabat sa P27,795,565.32 gikan sa fiscal years 2014 ngadto sa 2023 wala maapil sa books of accounts.

Matud sa COA nga gihimo ang verification aron masusi ang mga bank statement gikan sa Land Bank of the Philippines (LBP), Philippine Veterans Bank (PVB), ug Development Bank of the Philippines (DBP) uban sa Bank Reconciliation Statements (BRS).

Hangtud sa Disyembre 31, 2023 nakita ang nagkalain-laing mga credit memo ug mga direktang deposito sa kasamtangang checking account sa siyudad ang wala natala sa mga libro sa mga account.

Gipasabot sa COA nga ang samang obserbasyon mao usab ang napaabot ngadto sa siyudad atol sa audit sa niaging tuig ang kantidad sa wala matala nga credits o koleksiyon nisaka na ngadto sa 788.14 porsyento.

Ang talaan nga gilakip sa COA nagpakita nga ang maong unrecorded deposits naggikan sa general funds alang sa Cebu City Medical Center (CCMC) ug city markets.

Gawas niini, nagpakita usab kini og wala matala nga mga deposito gikan sa trust funds alang sa CCHD Philhealth, Private Power, NOAH Complex, ug Educational Fund.

Namatikdan sa COA nga sa ilang pagtuki pipila usab ang naobserbahan nga ang wala ma-record nga deposits sa 2023 gisuwayan pag-reconcile ang mga balance ug nabantayan usab nga mga nadugang nga kasagaran wala matala nga kita sa siyudad.

Ang Chief Administrative Office (CAO) nipadayag ngadto sa COA nga ang mga disbursement dili mabutang sa mga libro tungod kay ang City Treasurer’s Office wala makasumite sa Disbursement Vouchers (DVs) nga adunay kompleto nga mga dokumento. —  BDB BANAT NEWS