Panagsama Beach sa Moalboal napiling usa sa “best beaches sa SEA”
CEBU, Philippines — Usa sa mga labing nindot nga beach resort sa Sugbu nga Panagsama beach sa Barangay Basdiot sa lungsod sa Moalboal gihukman nga usa ‘best beaches in Southeast Asia’ sa tinahod nga Conde Nast Traveler.
Sa gipagawas nga issue sa CNT ning buwana sa Septiyembre ang Panagsama usa sa giila nga one of the best in the Southeast Asian Region. Ang maong artikulo matud pa nigawas sab sa Conde Nast Traveller sa Spain.
Nakauban sa Panagsama beach sa lista ang duha gikan sa Thailand--ang Tonsai Beach sa Krabi ug Buffalo Bay sa Koh Payam ; ang Coral Bay sa Perhentian Kecil, Malaysia, Bawah Reserve sa Bawah Island, Indonesia; ang Cat Co 3 sa Cát Bà Island, Vietnam ug Saracen Bay sa Koh Rong Samloem, Cambodia.
Sumala pa sa CNT ang mapili sa listahan gibase kini sa “what lies in the nearby in the sea.”
“Roughly 100 feet from the shore, the coral reef drops off dramatically, reaching a depth of up to 230 feet. The setting offers perfect conditions for observing the colorful and abundant marine life here. The star attraction are the many sardines that gather near Panagsama Beach. The schools can include millions of fish that move together as one in a fascinating display,” matud pa sa paghulagway sa CNT sa Panagsama beach.
Diha sab makita ang sarop sa mga sardinas o tamban sa tibuok tuig, apan mas daghan kini kun bulan sa Nobiyembre hangtud sa Abril.
Ang Department of Tourism (DOT) mi- share sab sa ilang social media page ang pagkapili sa Panagsama sa CNT aron mas mapaila kini sa publiko.
Ang Conde Nast Traveler giila nga “global citizen’s bible and muse, offering both inspiration and vital intel.”
“This recognition praises the rugged beach’s natural beauty as well as its extraordinary underwater treasures, renowned for the sardine run that gather near Panagsama Beach, with schools of fish in millions moving together in a fascinating display,” matud pa sa DOT.
- Latest
