Driver sa truck nga hapit makadisgrasya sa Talisay gidakop

CEBU, Philippines — Gidakop ang usa ka drayber og truck nga nagkarga og puthaw human kini hapit makadisgrasya samtang nagsubay sa karsada sa Barangay Tabunok, Dakbayan sa Talisay niadtong miaging adlaw.

Ang drayber sa truck nagkarga kini og angle bar apan sa pagtungas niini sa flyover sa Tabunok nangahulog kini ug ang nagsunod nga sakyanan ang hapit maigo.

Nabalda ang dagan sa trapiko tungod kay gipangkuha ang mga angle bar nga natagak.

Gumikan niini gi isyuhan gyud og citation ticket ang drayber tungod kay ang iyang gihimo  kalapasan sa unsafe cargo.

Ang City of Talisay-Traffic Operation Development Authority (CT-TODA) nihingusog sa pagpatuman sa lagda sa karsada ilabi na sa mga truck nga dunay karga nga peligroso sa mga motorist.

Suma pa sa CT-TODA nga ang drayber mao ang numero uno nga mosiguro nga dili makapurwisyo sa kadalanan ingon man sa mga motorista ang ilang mga kargamento. (BANAT NEWS)