City vet nagpatuman gihapon og euthanasia
CEBU, Philippines — Ang City Veterinary Office sa Dakbayan sa Sugbo nagpatuman gihapon kini og mercy killing o euthanasia diha sa impounding facility sa siyudad ug nanawagan sa responsible pet ownership. Atol sa news forum giangkon si Dr. Alice Utlang, pangulo sa Department of the Veterinary Medicine and Fisheries (DVMF) ug Cebu City Veterinarian nga kini ang ilang last recourse kong adunay pet owner nga mo surrender sa ilang iro.
"Actually og ako ray magbuot, di gyud ko mosugot. Ngano man? When you surrender your dog, this means you abandoned your responsibility", ni Utlang pa.
Matud in Utlang nga mahimong masilotan ubos sa Animal Welfare Act ang masakpan sa pag-abandona sa ilang mga binuhi.
Ug nagkinahanglan usab og P2,500 fee ang matag hayop nga i-surrender sa ilang buhatan. "Unya og daghan sya’g iro, hutdon man natog kuha kay wala naman sya’y katungod magbuhi og iro kay ngano man i-surrender imong iro?”, padayag ni Utlang.
"Bisan sakit sa among buot, we have to put the dog to sleep. So we still have euthanasia in the office", butyag ni Utlang.
Matud ni Utlang nga niabot na sa 196 ka iro ang ilang gipaubos og euthanasia niadtong tuig 2020, samtang sa tuig 2021 niabot kini sa 422, sa tuig 2022 niubos ngadto sa 300 ka iro apan nisaka ngadto sa 411 sa tuig 2023.
Sa tuig 2024, gikan buwang sa Enero hangtud sa Mayo niabot ngadto sa 261 na ang ilang na-euthanize.
Niadtong Oktubre 2023, ang konseho sa siyudad nipalabang sa Ordinance No. 2526 nga nagmandato sa pag-umol sa Animal Welfare Council nga gipangamahanan ni Acting Cebu City Mayor Raymond Alvin Garcia. (BANAT NEWS)
- Latest
