Nadat-ugan patay

CEBU, Philippines — Patay ang usa ka construction worker nga nadat-ugan og kongkretong pre-fabricated slab nga giaswat sa boom sa crane sa gitrabahong balay sa sulod sa Villa Josefina sa Barangay Gun-ob sa Siyudad sa Lapu-Lapu niadtong miaging adlaw.

Ang mga sakop sa Lapu-Lapu City Fire District ug City Disaster Risk Reduction and Management Office (CDRRMO) mitubag sa maong alarma apan patay na ang biktima.

Si Police Major Jaypee Dagami, hepe sa Presinto 3 sa Lapu-Lapu City Police Office (LCPO) miila sa namatay nga mao si Joseph Alvaro Salburo, 39, taga Matab-ang, Siyudad sa Toledo.

Samtang ang crane operator mao si Oliver Empenado Navarro, 39 taga Masaba, Siyudad sa Danao. Si Navarro ang naghakot kini sa mga pre-fab nga kongkretong sawog adtong higayuna.

Apan gikatahong aksidenteng milabyog ang boom tungod sa kabug-at ug namumo ang heavy equipment nga gi-operate niini ug maayong pagkahagsa sa slab ngadto sa biktima.

Ang crane operator anaa karon sa ilang kustodiya alang sa tukmang lakang nga ilang  pagahimoon batok niini. (BANAT NEWS)