PISTON nanawagan sa gobyerno sa pagtangtang sa buhis sa lana

CEBU, Philippines — Nanawagan ang Pagkakaisa ng mga Samahan ng Tsuper at Opereytor Nationwide (Piston)-Cebu ngadto kang President Ferdinand "Bongbong" Marcos Jr nga tumanon ang dugay na nga panawagan sa mga drayber ug sa publiko nga pagtangtang sa buhis sa lana aron moresulta sa dakong rollback sa presyo sa lana.

Suma pa ni Greg Perez ang President sa PISTON-Cebu nga kini ang labing epektibo nga paagi aron makunhuran ang presyo sa lana ug aron mapugngan ang inflation.

Dugang pa ni Perez, ang pagkunhod sa buhis sa lana magpasabot dili lang sa ubos nga gasto sa gasolina ug mas taas nga kita sa mga drayber, apan mas ubos nga presyo sa produksyon ug transportasyon sa mga produkto sama sa bugas.

Karon adlawa Hunyo 18, 2024 gikatakda ang usa ka dako nga pagsaka sa presyo sa petrolyo apan dili kini makabawi sa pag-ubos sa presyo sa petrolyo sa milabay nga semana apan moepekto sa laing hugna sa pagsaka sa presyo.

Ang presyo sa diesel gipaabot nga mosaka ngadto sa 1.70 samtang ang gasolina hangtud sa 0.85 ug kerosene ngadto sa 1.90 matag litro.

Sumala pa ni Perez, gikan sa Enero karong tuiga hangtud niadtong Hunyo 11, 2024 aduna nay kinatibuk-an nga adjustment sa gasolina nga nitaas sa 6.05 matag litro ug 4.25matag litro sa diesel samtang ang kerosene adunay pagkunhod. (BANAT NEWS)