Garcia nipasigarbo sa iyang nahimo isip acting mayor

CEBU, Philippines — Mapasigarbohon si acting Mayor Raymond Alvin Garcia sa Dakbayan sa Sugbo nga daghan nang nahimo sulod pa lang sa usa ka bulan nga nilingkod isip acting Mayor hulip sa gisuspenso nga mayor Michael Rama.

Matud pa ni Garcia, overwhelming kaayo ang iyang mga gihimo nga trabaho nga iyang na solve ug na resolve, pero fulfilling usab kaayo tungod kay aduna siyay ubay-ubay nga nahimo para sa kaayohan sa mga Sugbuanon sulod pa lang sa usa ka bulan niyang paglingkod.

Dugang pa sa acting mayor nga padayon ang iyang dako nga respeto sa suspendido nga mayor ug kauban gihapon kini niya sa politika.

“Up until now he still holds my highest esteem and regard…, that has not changed,” suma pa ni Acting Mayor Garcia.

Siya usab nangindahay nga unta masabtan ni Mayor Rama nga ang iyang gipangbuhat karon isip acting mayor tungod ug alang lamang sa kaayohan sa mga Sugboanon nga ilang gipasaligan nga alagaran.

“I just hope lang nga kining akong gipangbuhat, manghinaut lang gyud ko nga he will be perhaps enlightened that kaning atong gibuhat tanan para gyud ni sa kaayohan sa Sugboanon. Mao ra gyud na,” dugang niya.

Nagkanayon usab si Garcia nga angayan gayud paspasan ang paghatag og serbisyo sa katawhan tungod kay ang paghatag og serbisyo sa publiko dili gayud makapaabot. (BANAT NEWS)