Billeting area sa CVIRAA higpit nga gibantayan
CEBU, Philippines — Istrikto sa pagsulod ug paggawas sa billeting area ang delegado sa Dakbayan sa Talisay nga maoy gipadala nga mosalmot sa Central Visayas Regional Athletic Association (CVIRAA).
Si Dr. Arden Monisit, shools division superintendent sa Talisay City Division nibutyag nga gipadala niya ang grupo sa mga magtutudlo nga aktibo sa pagresponde sa bisan unsa nga alarma sa tunghaan.
Sila ang grupo nga gibansay kalabot sa disaster resiliency and response.
Matud ni Monisit nga gawas sa mga barangay tanod ug kapolisan nga maoy nibantay sa Labangon Elementary School anaa usab sila’y ilaha nga nakaila sa ilang delegado.
Gani gipatuman nila ang “No ID, No Entry” policy aron dili yano nga makasulod ang mga badlongon.
“Naa tay gihatag nga ID pass sa mga ginikanan nga gusto nga mobisita sa ilang mga bata”, matud ni Monisit.
Gihimo nila kini aron dili masubli ang mga dili maayong panghitabo sa CVIRAA diha mismo sa ilang billeting area. — /BDB (BANAT NEWS)
- Latest
