CCDRRMO miduso og dugang budget aron pagtabang sa mga mag-uuma

CEBU, Philippines — Ang Cebu City Disaster Risk Reduction and Management Office niduso og dugang budget nga P200milyon ngadto sa P300milyon aron pagtabang sa mga mag-uuma sa siyudad nga makabawi sa epekto sa El Ni o.

Ang pangulo sa CCDRRMO Harold Alcontin, nibutyag nga ang pundo kuhaon gikan sa quick response fund sa siyudad sa higayon nga madeklarar sa City Council ang State of Calamity.

Si Alcontin nihatag sa maong pasalig ngadto sa pipila ka mga konsehal sa siyudad atol sa ilang executive session sa konseho niadtong Martes.

Usa ka convergence meeting ang ipahigayon usab aron pagtuki sa mga tukma nga proyekto ug programa nga ilakip sa budget proposal.

Atol sa gipahigayon nga executive session ang mga opisyales sa nagkadaiyang grupo sa mag-uuma ang nipadayag sa ilang mga sentimento may kalabutan sa ilang sitwasyon ngadto sa City Council.

Gipadayag sa mga mag-uuma ang ilang nag-una nga panginahanglan sama sa supply sa tubig ug suporta sa kagamhanan sa siyudad sa Sugbo.  (BANAT NEWS)