CEBU, Philippines — Nikabat ngadto sa P3 milyones ang gigahin nga pundo sa Provincial School Board sa Sugbo isip subsidy sa gipahigayon karon nga 2024 Provincial Sports and Cultural Festival diha sa Siyudad sa Naga.
Si Gobernador Gwendolyn Garcia maoy nangulo sa opening ceremony sa provincial meet niadtong Marso 3, 2024 diin niabot ngadto sa 14, 000 ka partisipante ka tinun-ang atleta ang nisalmot gikan sa nagkadaiyang lungsod ug siyudad sa Lalawigan sa Sugbo.
“Accept victory with humility. If you lose, accept it graciously”, matud ni Garcia sa mga atleta. Ang provincial meet adunay 24 ka sports categories nga ipahigayon diha sa upat ka lugar nga gilangkuban sa mga dakbayan sa Naga ug Carcar, mga lungsod sa San Fernando ug Minglanilla.
Ang mga makadaog sa maong paugnat sa kusog maoy morepresentar sa Probinsiya sa Sugbo sa Central Visayas Regional Athletic Association. (BANAT NEWS)