CEBU, Philippines — Nonot sa tinguha sa kagamhanan sa Probinsiya sa Sugbo sa paghatag og bag-ong skills sa mga Sugbuanon ingon man pagdasig aron pagsulod og negosyo, gilusad niini ang hundred-million-peso Sugbo Kahanas program.
Naa na kini karon sa ikaduhang season, ang programa nakamugna na og kapin sa 8,000 ka skilled Cebuano graduates sa kurso nga duha ka tuig.
Segun sa Sugbo News, ang official Facebook page sa Probinsiya sa Sugbo ang probinsiya mihatag sa maong mga graduates og starter toolkits, nga gilauman nga makatabang kanila sa ilang nakat-onan nga abilidad ug makasugod og kaugalingon nga negosyo.
Ang maong programa mainiton nga gidawat usab sa komunidad diin daghan na sa mga nigradwar niini nga nakatukod na og kaugalingon nila nga negosyo.
Atol sa gihimong Caravan of Services diha sa Fifth District, si Governor Gwendolyn Garcia ug Cebu Fifth District Representative ug Deputy Speaker Duke Frasco mao ang nangulo sa pag apod apod sa starter toolkits ingon man sa National Certificate II (NC II) ngadto sa Season 2 graduates sa maong programa. Gikan sa The Freeman/MEL