CEBU, Philippines — Mokabat sa 350 ka mga host-volunteers alang National Retreat for Priest 2023 ang andam na kaayo sa tanan nga moserbisyo para sa motambong sa maong kalihukan nga anhi ipahigayon sa Dakbayan sa Sugbo karong Nobiyembre 7 ngadto sa 9, 2023.
Kining maong mga volunteers nitambong sa sent off ug commissioning mass nga gipangulohan ni Auxiliary Bishop Ruben Labajo, Co-Chairman sa NRP 2023 steering committee niadtong nakalabay nga adlaw.
Ang maong volunteers gipangulohan ni Fe Mantuhac-Barino, ang NRP Over-all Chairman sa NRP 2023.
Matud pa ni Barino, ang NRP 2023 dili lang kini usa ka event apan usa ka sacred journey, usa kini ka transformative spiritual experience para sa kaparian ug ingon man kanila.
Dugang pa ni Barino, ang lay volunteers dunay dakong papel aron sa pagsiguro sa kalampusan sa kalihukan.
Ang maong kalihukan sa serbisyo ug gugma magdala kanila sa kasuod sa usag-usa, duol sa kaparian ug duol sa Ginoo.
Si Labajo sa iyang bahin nitug-an ngadto sa mga volunteer nga kining special nga kalihukan nga ilang gihimo mapasalamaton siya niini ug nanghinaut nga dili lang kutob ra sa trabaho, kay usahay magbagulbol o mangreklamo ta o magdahum nga hatagan.
Dugang pa ni Labajo, kung magdahum ta nga hatagan walay grasya ang maong trabaho, hinoon ihalad kini isip offering ngadto sa Ginoo kay mao kini makapasantos kung adunay gugma. — /MEL (BANAT NEWS)