Piso nga usbaw sa pletehan ipatuman sa Domingo

CEBU, Philippines — Sugod sa adlaw ng Domingo ipatuman na ang piso nga provisional fare increase human giaprobahan sa Land Transportation Franchising and Regulatory Board ang umento sa pletehan nga gipangayo sa transport sector.

Ang minimum nga pletehan sa traditional PUJ gikan sa P12 mahimo nang P13 samtang ang modern PUJ nga P14 mahimo nang P15 ug magsugod ang pagpatuman niini karong Domingo.

Matud ni LTFRB-7 Director Eduardo Montealto nga magpabilin pa gihapon ang 20 porsyento nga discount alang sa mga person with disability, senior citizens ug mga tinun-an.

Ang mga drayber o operator modangop lang sa ilang buhatan aron sa pagkuha og taripa nga maoy ibutang nila sa ilang mga sakyanan tungod kay libre lang kini ug aron masayod usab ang katawhan nga adunay gipatuman nga pag-usbaw sa           pletehan.

Ang maong pag-pausbaw sa pletehan gihangop sa pundok sa mga drayber tungod kay apektado ang ilang panginabuhian human sa kanunay nga saka sa presyo sa petrolyo.

Ug kong unsa kahangop sa mga drayber ang mga sumasakay naguol usab tungod kay dugang kini nilang pas-anon ang usbaw sa pletehan ilabi na kong kapila sila mosakay sa usa ka adlaw.  (BANAT NEWS)