CEBU, Philippines — Nag-iyahay sa pagsuporta sa Department of Education (DEPED) sa ilang programa nga Brigada Eskwela ang lokal nga kagamhanan sa lungsod sa Minglanilla ug Dakbayan sa Carcar.
Sa Minglanilla, si Mayor Rajiv Enad todo ang suporta sa kalihukan aron sa pagpangandam sa pagbukas sa klase karong Agusto 29 ning tuiga.
Kuyog sa kagamhanan sa Minglanilla sa kalihukan ang Bureau of Fire Protection (BFP), Philippine National Police (PNP), Minglanilla Traffic Commission (MITCOM), Parent-Teacher Association (PTA), mga magtutudlo ug opisyales sa barangay.
Samtang sa Dakbayan sa Carcar, sila si Police Lt. Col. Mark Gifter Sucalit, hepe sa kapolisan nitataw nga naa ang ilang presensya atol sa pagbukas sa programa.
Nitabang sila sa pagpintal, pag ayo sa mga naguba nga lingkuranan ug uban pa.
Asoy pa ni Sucalit nga gawas sa ilang serbisyo sa pag ayo sa kahimanan sa tunghaan ila sab giandam ang ilang kaugalingon sa paghatag og seguridad sa kabataan ug magtutudlo sa pagbalik na gyud sa klase.
Atol sa Brigada Eskwela, ang tanang stakeholders magtinabangay sa paglimpyo, pag-ayo, pagpanindot sa mga tunghaan aron ini og balik na sa mga bata sa ilang klase, andam ug luwas na kining gamiton. IBM (BANATNEWS)