CEBU, Philippines — Nagsugod na ang demolition kun pagguba sa mga estraktura nga anaa nahimutang sa easement zone sa Looc River sa lungsod sa Ginatilan.
Kini ang gibutyag ni Rodel Bontuyan ang hepe sa Provincial Environment and Natural Resources kon (PENRO).
Sa tigum uban ni Cebu gobernador Gwen Garcia sila Jennifer Singco sa Green Villas ug Pedro Cabonillas sa Fern Valley nisubli sa ilang saad nga kooperasyon alang sa pagguba sa ilang nga estruktura didto sa may sapa.
Nakapadala na ang Kapitolyo og dagkong ekipo didto sa maong dapit subay sa pagluwat ni Garcia sa iyang Executive Order No. 15 nga nagmando sa duha ka resorts nga ihunong usa ang operasyon niini ug gub-on ang giingong ilegal nga estraktura nga nakalapas sa Water Code of the Philippines.
Sumala sa Kapitolyo ang maong mga estraktura delikado sa mga tawo nga nagpuyo duol sa dapit tungod kay nakababag kini sa agas sa tubig nga maoy hinungdan nga nihit ang tubig didto ilabina sa summer season.
Giingon usab nga possibleng magbaha sa maong area panahon sa ting ulan tungod sa maong nga estraktura.
Karon nga nagpadayon na ang demolisyon, ang mga tag-iya sa resort ug ang Department of Environment and Natural Resources gikatakda nga mopahigayon og joint survey sa matag propedad niini aron masuta unsa ra nga nga estraktura nga naa sa may sapa ang nakalapas sa gitumbok nga easement zone.
Nitambong sa maong tigum sila ni Ginatilan Mayor Roy Vincent Singco ug Malabuyoc Mayor Edang Piedad. (BANAT NEWS)