CEBU, Philippines — Patay ang usa ka lalaki nga caretaker human gipusil sa mga wala pa mailhing mamumuno sa bukirang bahin sa Sitio Oano, Barangay Guba sa dakbayan sa Sugbo niadotng Hulyo 14,2023 sa gabii.
Giila sa kapolisan ang biktima nga si Gonzalo Albay Diacoma, 59, biyudo, nga nagpuyo sa Barangay Pong-ol, Sibugay.
Sumala sa inisyal nga imbestigasyon sa Talamban Police Station nagmaneho ang biktima sa iyang motorsiklo sa dihang gipusil kini sa duha ka mga lalaki.
Nakaangkon og samad pinusilan sa iyang kalawasan ang biktima nga nakaingon sa iyang kamatayon. Duha ka kabhang sa bala sa kalibre 45 nga pistola ang napalgan sa crime scene.
Padayon pa ang imbestigasyon sa kapolisan bahin sa maong krimen.- Jhayrei Pintac, CNU Interns/IBM (BANAT NEWS)