Mancao nisugyot sa pag-revise sa desinyo sa CCMC
CEBU, Philippines — Ang hepe sa Cebu City Medical Center (CCMC) Dr. Peter Mancao nisugyot og gamay nga revision sa pipila ka bahin sa desinyo sa bag-ong edipisyo aron ma-maximize ang mga espasyo ug daghan unya ang makabenipisyo nga mga pasyente.
Sayo pa, si Cebu City Mayor Michael Rama nagkanayon nga mohatag siya og update sa pagpadayon sa CCMC construction atol sa iyang People’s State of the City Address karong Hulyo 3, 2023.
Sa pagkakaron, ang CCMC maka-accommodate kini og kapin sa 100 ka pasyente apan si Mancao naghinam-hinamnga maka-accommodate kini og 500 ka pasyente.
Matud ni Mancao nga giaprobahan na sa Department of Health (DOH) ang maong desinyo apan gi-review pa kini sa mga nalambigit nga architect.
Nasayran nga kasagaran sa mga desinsyo sa pribadong lawak gikuha ug gi-convert ngadto sa ward rooms. Gawas sa mga pribadong lawak adunay laing feature nga gipaningoha ni Mancao nga nga mahimong tukoron sa lote diin nahimutang ang Bureau of Fire Protection ug ang Land Transportation Office.
Sayo pa, si Mayor Rama nagkanayon sa maong mga buhatan sa gobiyerno nga biyaan kining dapita tungod kay gamiton nila ang mga lote nga gipanag-iya sa Siyudad alang sa CCMC.
Matud ni Mancao nga gipaningkamotan nila nga mahatagan ang mga pasyente sa labing maayong pag-atiman ug serbisyo lakip na ang mas maayong supply, kagamitan, ug tambal. —Caecent No-ot Magsumbol (BANAT NEWS)
- Latest
