PNP ni-anunsyo nga dunay 500 ka bakanteng pwesto sa PRO-7

CEBU, Philippines — Gianunsiyo sa Philippine National Police (PNP) nga dunay 500 ka slots ubos sa 2024 Patrolman/Patrolwoman Attrition Program alang sa Police Regional Office(PRO)-7.

Ang maong recruitment process gasubay sa istriktong guidelines aron masiguro nga kadto gyung qualified candidates ang madawat.

Gihimug-atan sa PRO-7 nga ang PNP Recruitment and Selection Service(RSS) ang opisina nga responsable sa pagdumala sa recruitment process.

Gipaneguro sa RSS ang standardized, impartial ug transparent selection process nga gawasnon sa local influences.

Subay na sa RSS Protocols, ang PRO-7 Recruitment Screening Committee mo-evaluate sa mga aplikante gamit ang Quick Response (QR) Code Systems, nga nagtago sa identity sa aplikante atol sa assessments.

Gipaneguro niini nga ang desisyon nakabase gyud sa merit ug qualifications pinaagi sa mga tests sama sa BMI, agility assessments, drug testing ug neuropsychiatric ug medical evaluations. Ang PNP nagpabiling committed sa transparency ug professionalism sa recruitment ug kasaligan gyud ang proseso.  MEL BANAT NEWS