CPPO gipahalipayan pagmentinar kahapsay kalinaw sa CVIRAA

CEBU, Philippines — Si Police Brigadier General Anthony Aberin, direktor sa Police Regional Office-7 nipahalipay ngadto sa Cebu Police Provincial Office (CPPO) gumikan kay generally peaceful ug malamposon ang pagpahigayon sa Central Visayas Athletic Association (CVIRAA) meet ug kagahapon sa hapon gipahigayon ang closing ceremony sa maong kalihokan.

Si Police Lieutenant Colonel Gerard Ace Pelare, tigpamaba ni Aberin nagkanayon nga sa report nga ilang nadawat walay major incidents nga nahitabo gawas lang sa traffic congestion nga gilaoman na nila.

Gihulagway ni Pelare nga nagbunga ang preparasyon nga gihimo sa CPPO ug napatuman nila ang ilang plano aron masiguro nga hapsay ug malinawon ang maong kalihokan nga giapilan sa 12,000 ka atleta apil na sa coaches ug ubang staff.

“Nag-congratulate si Police Brigadier General Anthony Aberin pasalamat ang atong RD PRO-7 sa tanang stakeholders, Local Government Units, Provincial Government of Cebu headed by Governor Gwendolyn Garcia other agencies DepEd for making sure nga walay peace and security issue all throughout the conduct of CVIRAA”, matud ni. Pelare.

Si Pelare nagkanayon nga nakatabang usab ang red teams nga gipakatap sa PRO-7 diin sila maoy tigsusi sa deployment ingon man sa welfare sa mga polis nga gi-deploy.

Kini aron masiguro nga samtang ang mga polis nga gipakatap nihimo sa ilang trabaho nakakaon usab sila ug maayo usab ang ilang kahimtang.  “The reports of the red teams are very good, meaning to say kung unsa gyud ang giplanohan nila more or less mao gyud ang nahitabo that is why walay mga major incidents nga nahitabo sa CVIRAA”, dugang ni Pelare.

Nasayran nga ang CPPO nipakatap og 300 ka polis aron mobantay sa venue sa mga duwa, billeting areas ug uban pa atol sa CVIRAA.  - BDB (BANATNEWS)