Kabataan nga gipaubos sa intervention program nabut-an na

CEBU, Philippines —  Wa na magpabadlong ang mga kabataan nga gipaubos sa intervention program nga gihimo sa kapolisan sa Dakbayan sa Talisay inubanan sa City Social Welfare and Development ug sa focal person sa matag barangay.

Si Police Lt. Col. Randy Caballes, hepe sa kapolisan nilipay sa gipakitang kausaban sa mga kanhi badlungon nga batan-on.

Matud pa ni Caballes nga sa pakig estorya sa mga kabataan ug pagpasabot kanila aron mahimong maayo nga indibidwal ang nindot nga kasinatian.

Ila kining gihimo ang programa human sa sunod-sunod nga panghitabo nga rambol nga gikalambigitan sa mga batan-on nga nalakip sa mga gang.

Nagkanayon ang opisyal nga ilang gipaningkamotan nga dili lang ang mga nalambigit nga batan-on ang ilang giseminar kundi lakip na ang ilang ginikanan o ang ilang guardian.

Asoy pa ni Caballes nga angay sab sabton sa mga hamtong kung unsaon nila pagdala sa ilang mga bata nga dili na matintal sa pagsulod sa grupo sa gang.

Sa unang batch sa ilang intervention program daghan ang nakatambong diin hapit nasab sila mahuman.

Hinuon magpadayon kini kung aduna nasab kini laing mga batan-on nga angay nga giyahan alang sa pagkamaayong indibidwal sa komunidad. (BANAT NEWS)

Show comments