Cebu City mopasiugda og Food Security Summit

CEBU, Philippines —  Gipaniguro sa kagamhanansa Dakbayan sa Sugbo nga mag-umol og aksiyon alang sa gisagubang nga problema sa “inflation”.

Gusto ni Mayor Michael Rama nga magpasiugda sa daling panahon og Food Security Summit.

“Our country, even in many parts of the world, is beset with inflation. It is our duty to safeguard our city from its impact”, matud ni Rama. Si Rama nagkanayon nga kinahanglan ang pagsustiner sa pagkaon sa katawhan.

“We gather producers from the backyard, farms and agro-industries so we can come up with a Food Security Master Plan that will lay the foundation of sustainability of food supply with stable prices”, ni Rama pa.

Moumol usab ang kagamhanan og research committee diin ang mga miyembro niini mogama og lapad nga pagtuon sa supply ug demand gaps.

Matud ni Rama nga himuon usab ang subsob nga price monitoring diin adunay kalambigitan sa matag tawo ngadto sa komunidad, ingon man usab ang lapad nga pagsusi sa operasyon sa merkado.

Dili usab magpanuko ang siyudad sa paggukod sa mga mapahimoslanon sa sitwasyon

Ang kagamhanan sa siyudad mosusi sa mga wala mapahimusli nga luna ug modasig og dugang kooperatiba ug mga partner pinaagi sa public-private partnership alang sa pag-convert sa maong area ngadto sa agro-tourism ug agro-industrial zones.

Magbukas usab og dugang “farm to market roads” ug ipadayon ang plano nga cable car system alang sa mass transport ngadto sa upland barangays.

“These will reduce substantially the cost in the transportation of products to the urban lowland. Lesser cost in terms of transportation means lesser prices of our food products”, dugang ni Rama. (BANAT NEWS)