Patay’ng lawas gisud og sako

CEBU, Philippines — Usa ka patay nga lawas sa lalaki ang nakit-an sulod sa sako kagahapon sa buntag sa usa ka batan-ong nangahoy diha sa kilid sa pangpang sa Barangay Sanpicon, Lungsod sa Badian.

Ang patay nga lawas giingong nagsugod na og kadugta, walay mga ID o mga ilhanan nga nakita sa lawas nga makatumbok kun kinsa kini.

Ang kapulisan pinangulohan ni Police Captain Jerwin Mark Battung, ang padayon pa nga nihimo og imbestigasyon may kalabutan sa maong insidente.

Sumala pa ni Battung ang kapitan sa maong dapit ang nitaho na sa kapulisan pagkakita sa batan-on sa maong lawas nga gisud og sako.

Dili pa usab matumbok nila ni Battung ang pamaagi sa kamatayon sa biktima tungod kay nagsugod na kini og kadugta.

Ang patay nga lawas sa biktima naa na kini karon sa usa sa mga punerarya sa lungsod.

Wala pay pamilya nga nidangop sa ilang buhatan aron mag report may kalabutan sa missing person. IBM BANAT NEWS