Managkapuyo sikop sa buy-bust

CEBU, Philippines —  Managkapuyo nga pusher og shabu nadakpan sa buy-bust operation sa kapolisan sa Presinto 3 sa Lapu-Lapu City Police Office (LCPO) diha sa New Sangi Road sa Barangay Pusok siyudad sa Lapu-Lapu alas 8 pasado ang takna sa miaging gabii.

Si Police Captain Ruel Nalzaro deputy chief sa Presinto 3 sa LCPO miila sa ilang nadakpan nga mao sila si Armand Pinote ug Jocelyn Aton nga pulos hingkod ang panuigon nga nagpuyo sa maong dapit.

Nakuha gikan sa mga dinakpan ang 2 ka gramos nga gituohang shabu nga nagkantidad og P13, 000 base sa PNP standard value niini.

Sa pasiunang kasayuran nga nahipos sa kapolisan ilang nahibaw-an nga ang managkapuyo mao ang nagpasiugda sa maong ilegal nga kalihokan sa maong lugar.  – MEL (BANATNEWS)