CEBU, Philippines — Angayan nga kanunay ipasalamat sa kahitas-an ang tanang grasya nga atong madawat ug hinumduman sa katawhan ang pagpahinumdom ni St. Therese nga isangpit sa Kahitas-an ang mga suliran nga nahiagoman.
Mao kini ang mga nag-unang mensahe ni Cebu Archbishop Jose S. Palma atol sa iyang homily sa Send-off Mass sa Pilgrim Relic of Saint Thérèse of the Child Jesus diha sa Carmelite Monastery niadtong Sabado.
“Today, for those of us who might have come with certain intentions - people we know who are sick, those who have emotional or mental problems, those who are in financial difficulties - St. Thérèse reminds us to surrender and lift all of these to God,” matud pa ni Palma.
Ang mga maayong panghitabo kay grasya nga gikan sa Ginoo. Suma pa niya nga kinahanglan gyud nga mapasalamaton kanunay sa tanang maayo nga butang nga nahitabo sa tagsa-tagsa nato nga kinabuhi.
Giingong dunay maayong sukli ang mga niagi nga pagsulay.
“Everything is an expression of God’s love. St. Thérèse reminds us all of us to be forever grateful for whatever blessings we have received. Sometimes they may come in form of difficulties and yet we know, if God allows them, they are meant to be blessings for all of us,” dugang pa ni Palma.
Nitambong usab sa maong seremonyas sila si Rev. Msgr. Albert Songco HP (Vicar- General of the Military Ordinariate), Rev. Fr. (Maj) Ferdinand Abuyuan, CHS (Chaplain sa Visayas Command), Rev. Msgr. Joseph Tan (Media Liaison osa Archdiocese of Cebu ug Rector sa San Carlos Seminary College), ug ubang kaparian.
Ang relic ni St. Therese gidala dinhi sa Sugbo niadtong miaging semana alang sa lima ka adlaw nga pagbisita. /MEL (BANAT NEWS)