CDRRMO sa Talisay tinguha ibalik ang earthquake drill

CEBU, Philippines — Gitinguha sa pangu sa City Disaster Risk Reduction and Management Office (CDRRMO) sa siyudad sa Talisay nga mabalik ang pagpahigayon og earthquake drill diha sa kabarangayan.

Si Alvin Santillana nagkanayon nga ila na kining nasugdan sa Barangay Poblacion apan wala na dayon kini nasundan.

Asoy pa niya nga mas maayo gyud nga diha sa ubos nga hut-ong sa komunidad masayod sa ilang pagabuhaton kung adunay katalagman nga mahitabo sama sa linog.

Segun pa ni Santillana nga walay problema sa mga tunghaan tungod kay matag kwarter sila magpahigayon og drill.

Ang Talisay gibisita na sa taga Philvolcs diin sila niila og mga fault line didto sa Barangay Jaclupan.

Hinuon si Santillana nipasabot nga dili kaayo kini aktibo ang fault line nga unang nakita ug

posible usab nga ilang bisitahon ang Barangay Tapul. (BANATNEWS)