Karaang fishpond nga nakaali sa Butuanon River giablihan
CEBU, Philippines — Giablihan sa Siyudad sa Mandaue ang karaang fishpond sa kontrobersiyal nga luna sa Barangay Paknaan tungod kay mao kini ang nakitang solusyon pagsulbad sa kanunay nga pag-awas sa tubig sa Butuanon River.
Ang pagawas sa maong suba matag mobunok ang uwan gikatahong tungod sa maong fishpond tungod kay naalihan niini ang dagayday sa tubig padung sa dagat hinungdan nga ang tubig moabot sa mga kabalayan.
Si Architect Florentino Nimor , assistant city administrator miingon nga sa pag-abli sa kanhi fishpond sa Sitio Pagatpatan makalahos na ang tuibig gikan sa Butuanon River paingon ngadto sa Mactan Channel.
Matud pa sa mga molupyo sa maong lugar pirme na silang lunopan sab aha matag mobunok ang uwan.
Ang Department Public Works and Highways (DPWH) 7 aduna nay gitukod nga riprap apan taudtaud na ang maong pryekto apan wala mahuman hangtod niining mga panahona. — /IBM (BANAT NEWS)
- Latest
