CEBU, Philippines — Si Bise Gobernador Hilario Davide III uban sa 15 ka miyembro sa delegasyon sa Probinsiya sa Sugbo nibiyahe ngadto sa Vietnam alang sa pagtambong sa ika-17th nga East Asia Tourism Forum (EATOF).
Si Davide maoy nangulo sa nahisgutang delegasyon alang sa maong kalihokan nga molungtad sulod sa tulo ka adlaw gikan sa Oktubre 25 hangtud sa 27.
“The three-day event will tackle issues and challenges of tourism in the region and open bilateral talks on areas of development with EATOF member provinces following the pandemic”, base sa post diha sa Facebook page ni Davide.
Lakip sa nitambong sa maong kalihokan ang mga bokal nga sila si Jerome Librando, Glenn Anthony Socco, Jerico Rubio, Raymund Calderon, opisyales ug executives sa Kapitolyo sama ni Maria Lester Ybañez sa Provincial Tourism Office.
Lakip sa nikuyog ang mga gikan sa pribadong sektor nga sila si MCCI President Kelie Ko, Adrian Lee ug Beverly Dayanan.
Gihangyo ni Gobernador Gwendolyn Garcia si Davide nga maoy motambong ug mo reprsentar sa Probinsiya sa Sugbo tungod kay si Garcia dili makatambong niini. BDB (BANATNEWS)