CEBU, Philippines — Gibuntog ni Cebu Fifth District Representative Vincent Franco “Duke” Frasco si kanhi kongresista Ramon Durano VI sa manual recount nga gihimo sa House of Representatives Electoral Tribunal (HRET).
Base sa inisyal nga resulta sa maong recount, mas daghang nakuhang boto si Frasco itandi sa mga election returns ug statement of votes niadtong Mayo 13, 2019 elections.
Gihangop ni Frasco ang maong resulta kay matud pa niya gipakita pinaagi niini nga ang katawhan sa kinto distrito niadtong 2019 elections nga gusto na gyud sila og kausaban. Matud pa sobra 35 mil ang boto ni Frasco batok ni Durano.
“Over the past two years we have delivered on our promise of change in the district through the implementation of our projects and programs that have uplifted the lives of the people of the 5th district of Cebu,” si Frasco miingon.
Niadtong Hulyo 15, 2019, nipasaka og electoral protest si Durano diha sa HRET aron mohimo og manual recount sa mga boto sa Fifth District ug ipakonsiderar nga void ang pagkapili kang Frasco. Sa lima ka adlaw nga eskutenyo sa HRET, si Frasco nakakuha og 35,978 boto, labaw siya og 217 botos batok sa 35,761 boto gikan sa election returns ug statement of votes.
Ang maong recount gihimo niadtong Nobiyembre 23, 24, 25, 29 ug December 1, 2021.
Si Frasco maoy giproklamar nga mananaog niadtong piniliay sa Mayo 2019 pinaagi sa iyang 152,436 boto o 56.61 percent batok kang Durano nga nakakuha og 116,826 botos o 43.38 percent.
Karon, buot magpasubli ni nFrasco batok gihapon ni Durano sa umaabot nga Mayo 9, 2022 elections.