Kapitolyo nang-apod-apod na usab og mga coupon
CEBU, Philippines — Human sa mga totally damaged nga balay, ang mga pamilya na sa mga balay na partially damaged ug severely damaged sa bagyong Odette na usab ang gihatag sa “Dasig Sugbo” card sa Probinsiya sa Sugbo.
Ang nahisgutang card maoy gamiton sa mga recipient pagkuha og construction materials sama sa GI sheets, lansang ug uban pa alang sa pagpaayo sa ilang balay nga naguba sa bagyo.
Ang mga balay nga partially damaged makadawat og P3,000 nga kantidad sa maong coupon samtnag P5, 000 usab sa mga severely damaged.
Si Gobernador Gwendolyn Garcia maoy nangulo sa paghatud sa maong mga coupon cards ngadto sa mga lungsod ug dakbayan nga naapektohan sa bagyong Odette.
Base sa report sa Sugbo News, sa Segundo distrito niabot ngadto sa 17,329 ka recipients sa maong Dasig Sugbo cards.
Ang mga mayor sa Argao, Dalaguete, Alcoy, Boljoon, Oslob, Santander, ug Samboan nagpasalamat sa Kapitolyo sa hinabang ngadto sa ilang mga residente. BDB (BANATNEWS)
- Latest
