Cebu, Philippines — Nakadawat na sab og laing pasidungog ang kagamhanan sa Siyudad sa Sugbo ug karon gikan kini sa National Children Commission (NCC).
Giingong resulta kini sa mga maayong programa nga gidalit sa kagamhanan ngadto sa kabataan.
Nasayran nga nihatag ang NCC og Seal of Child-friendly local governance ngadto sa Cebu City Government gumikan sa pagsuporta niini sa katungod sa kabataan ilabi na sa survival, development, protection ug participation of governance.
Ang maong adbokasiya kay usa sa pamaagi sa pag-umol sa United Nations Convention on the Rights of the Child (UNCRC) alang sa paghatag og prayoridad sa mga programa alang sa kalamboan sa kabataan.
Pormal nga gidawat ang maong pasidungog sa miaging adlaw pinaagi ni Atty. Mary Rose Lubino, ang chief-of-Staff ni Mayor Edgardo Labella ug personal kininga gitunol ni Atty. Ian Kenneth Lucero, ang head ssa Department of Interior and Local Government ( DILG- Cebu City). (BANAT NEWS)