Kasaulogan sa 500 years of Christianity nahan-ay na
CEBU, Philippines — Gihan-ay na sa Archdiocese of Cebu ang kalihukan alang sa pagsaulog sa ika-500 years sa Kristiyanismo nga ipahigayon karong buwan sa April.
Kini suma pa sa Secretary sa 500 years of Christianity Fr. Mhar Vincent Balili atol sa press conference.
Karong Abril 4, 2021 atol sa Easter Sunday usa ka misa ang ipahigayon sa tanang parukya, himoon usab ang unveiling sa Jubilee Cross ug pagbasa sa Circular ni Archbishop Jose Palma, nga nagdeklarar sa pagbukas sa usa ka tuig nga selebrasyon sa 500 YOC.
Usa ka triduum Celebrations ang ipahigayon sa April 11-13, 2021 nga naglangkob sa Mass and Baptism sa 100 ka mga bata sa Our Lady of Guadalupe, Mass and Confirmation sa 100 ka tawo diha sa St. Joseph National Shrine, Mass and Rite of Initation diha sa National Shrine of Our Lady of Rule nga 100 usab ka tawo.
Himoon usab ang motorcade procession sa Jubilee Cross ug sa imahen ni Sr. Sto. Niño sa Cebu City, Mandaue City, Talisay ug Lapu-Lapu City. Usa cultural show ang ipahigayon gikan sa April 11 ngadto sa April 17, 2021.
Sa April 14, 2021 himoon diha sa Magellan’s Cross ang reenactment sa 1st Baptism, ug Mass and renewal of baptismal promise and baptism of children.
Gitug-an ni Balili, andam na ang tanan uban sa pakig-alayon sa local nga pangagamhanan ug Inter Agency Task Force, apan tungod sa padayon nga pagsaka sa covid-19 andam ra gihapon sila motahud sa desisyon sa IATF.
Samtang gilusad na usab sa Archdiocese of Cebu ang official nga website alang sa mga kalihukan ug programa subay sa 500 years, ang website (archdioceseofcebu.ph) —MEL (BANATNEWS)
- Latest
