Mga polis nidonar sa ilang blood plasma

CEBU, Philippines — Nikabat sa 22 ka polis sa Police Regional Office (PRO)-7 kinsa naka-recover sa covid-19 ang nidonar sa ilang blood plasma.

Kini maoy gibutyag sa direktor sa PRO-7 Police Brigadier General Albert Ferro ubos sa Makatao Malasakit Blood Plasma Donor Program sa kapolisan sa Central Visayas.

Si Ferro nagkanayon nga ang maong mga blood plasma idonar kini ngadto sa mga nanginahanglan nga pasyente sa covid-19.

Gawas sa nahisgutang 22 ka polis adunay laing 11 ka regular blood donors ang nakadonar sa Department of Health (DOH)-7 ug Philippine Red Cross.

Gibutyag ni Ferro nga duha na ka buwan nga nagsige og donar ang mga naka- recover sa covid-19.

Duha na usab ka paseyente nga sibilyan ang nakabenipisyo ug naka-recover na gikan sa kritikal nga kondisyon human nga nakadawat sa blood plasma gikan sa duha ka polis nga nidonar og libre sa ilang blood plasma.

Sa pagkakaron anaa na sa 153 ka recoveries sa covid-19 ang kapolisan sa Central Visayas. /BDB (BANATNEWS)

Show comments