Nanglawgaw sa seniors gisubay sa OSCA

CEBU, Philippines — Nasubay na sa Office of the Senior Citizens Affairs (OSCA) sa Siyudad sa Sugbo ang nagpakatap sa sayop nga impormasyon mahitungod sa pagpangapod-apod sa financial assistance sa mga senior citizens.

Matud ni Jeffrey Ocampo, executive director sa OSCA, nga wala gyud sila nagtuo nga maoy mahitabo niadtong Miyerkules tungod kay walay nag-awhag kanila nga mangadto sa Cebu City Hall.

“Yes we just try to validate some information, importante we have to continue giving this to the senior citizens, atong house-to-house is on-going, ang atua lang we are following the protocol nga di gyud pagawson ang senior citizen as much as possible pero nanggawas man gud sila because they are receiving wrong information,” matud ni Ocampo.

Gituohan nga gisabotahe ang kagamhana sa siyudad hinungdan nga nagdasok ang mga senior citizens sa Cebu City Hall aron mokuha sa ilang financial assistance bisan pa man sa uwan ug wala na nasunod ang physical distancing hinungdan nga gibalhin sila sa Cebu Coliseum.

Kagahapon minus na ang mga senior citizens nga nikuha sa ilang hinabang pinansiyal ug nasunod na ang physical distancing. /GMR (BANATNEWS)