Delivery nga P6.8M shabu na-intercept sa PDEA-7
CEBU, Philippines – Mokabat P6.8 milyones nga balor sa gituohang shabu ang nasakmit sa mga otoridad sa pantalan sa Sibulan, Negros Oriental sa miaging adlaw.
Nasikop ang subject sa operasyon nga si Tim Bernard Las Piñas ,25; Ellery Jude Alabanzas, 23; Kathleen Caryl Tulabing, 23, parehong tinun-an sa kolehiyo; ug si Lehsa Jan Taganile, 23, usa ka call center agent.
Usa ka pakete nga may sulod nga usa ka kilong gituohang shabu ang nasakmit gikan sa maong grupo.
Sigun pa sa tigpamaba sa Philippine Drug Enforcement Agency-7 nga si Leia Albiar- Alcantara, buy bust operation unta kadto batok kang Piñas ug sa kakunsabo niini nga si Alabanzas.
Giingong samtang sila nagsabot ang target midesisyon nga adto na lang sa Dumaguete sila magpalitanay sanglit paingon sila sakay sa puwa nga sakyanan.
Wala na paabta sa mga operatiba nga moadto sa Dumaguete City inabagan sa kapolisan ug sa Coast Guard ila kining giinspeksyon atol sa pagabot palang sa Sibulan Port gikan sa Sugbo ug nasakpan ang maong shabu.
“Delivery siya, ang ka transact niya ang atong team, pag-update nga padung na siya sa Dumaguete, pagkahibaw sa team nga on the way na siya i- coordinate sa Coastguard, PNP para ma-atangan,” sigun sa tigmaba.
Matud pa nga atol sa ilang negosasyon, giingong miadto ra sa Sugbo ang target aron mokuha og stocks nga shabu ug mao ang iyang i-deliver.
Sa pagkakaron, gisubay sa mga otoridad kun kinsa ang tinubdan niini sa maong shabu.
Kasong pag-transport og illegal nga drugas ang kasong atubangon sa mga dinakpan.
Matud ni Albiar nga ang duha ka mga babaye nga silang Tulabing ug Taganile nanalipod nga naki-hitch ra sila kang Las Piñas, apan kay kuyog sila apilon gihapon sila sa kaso.
“Ang duha naki-hitch lang sila, pero giapil sila sa kaso, the burden is on them nga ma prove sa court nga wala silay labot,” sigun pa ni Albiar. (/IBM)(BANAT NEWS)
- Latest
