CEBU, Philippines – Saulogon sa tibuok buwan sa Agosto ang ika-450 nga founding anniversary sa Lalawigan sa Sugbo.
Ang mga kalihukan magsugod sa Agosto 1 apan ang opisyal nga pag-abli niini adto pa sa petsa 5.
Niining higayuna ang tanang mga departamento ug mga opisyal gitahasan nga modumala sa mga kalihukan. “This time we will just be the spearhead,” matud ni Provincial Tourism Officer Maria Lester Ybañez.
Ang mga kalihukan naglangkub sa tinuig nga Agri-Fair nga adunay nagkadaiyang produkto sa agrikultura gikan sa mga siyudad ug munisipalidad lakip na ang cooking contest.
Lakip usab sa mahinungdanong panghitabo mao ang 1Cebu Expo nga magpakita sa nagkadaiyang tourist spots ug delicacies sa probinsiya.
Ang labing mahinungdanon nga bahin sa expo mao ang paglusad balik sa Suroy-Suroy Sugbo nga proyekyo sa administrasyon ni Gobernador Gwendolyn Garcia.
Ang Suroy-Suroy Sugbo ablihan sa unang semana sa Nobiyembre. (/GMR)(BANAT NEWS)