14 ka retailer giingong namaligya og substandard materials
CEBU, Philippines – Ang Department of Trade and Industry (DTI)-7 niluwat og notice of violations batok sa 14 ka retailer sa tibuok Probinsiya sa Sugbo.
Ang maong notice of violations giisyu kini ngadto sa 14 ka retailer sa construction ug hardware materials.
Matud ni Asteria Caberte, direktor sa DTI-7 nga aron sa paglikay nga makonpromiso ang kaluwasan sa mga customer ang DTI nihimo og pagsubay ug pakisusi sa mga establisamento nga namaligya og uncertified, inferior o mga substandard nga produkto.
Ang mga produkto nga substandard sama sa mga rolled steel bars, incandescent bulbs, PVC electrical tapes ug uban pa ang giimbargo sa DTI.
Gibutyag ni Caberte nga anaa pa unya’y mga lugar sa Central Visayas ang malakip karong tuiga tungod kay padayon ang ilang monitoring.
Giingong ang mga retailer nakalapas sa Akta Republika 7394 kun “Consumer Act” ug Akta Republika 4109 kun “Product Standards Law”. Giawhag ni Caberte ang katawhan sa pagtaho diha sa ilang buhatan sa higayon nga makakita sila og mga substandard nga produkto o pagtawag sa DTI’s consumer care hotline at 1-384 (1-DTI) o emailing [email protected] # aron mahatagan dayon og aksiyon. (/BDB)(BANAT NEWS)
- Latest
