Kandidatura ni Andales ipakanselar

CEBU, Philippines – Mipagawas og desisyon ang Comelec Second Division labot sa petisyon nga gisang-at sa usa ka Allen Canoy batok ni Konsehal Sisinio Andales.

Si Canoy nagtinguha sa ‘Deny Due Course and/or Cancel Certificate of Candidacy’ ni Andales sa rason nga nakaserbisyo na kini og tulo ka termino. Subay niini, ang Comelec Second Division mipabor ug misanong sa petisyon ni Canoy. Subay sa maong desisyon, si Konsehal Andales miingon nga dili pa kini final ug subject pa kini sa motion for reconsideration (MR). Moagi sab kini sa Comelec En Banc dayon sa Supreme Court. Nasayran nga kagahapon, nadawat sa konsehal ang resolusyon sa Comelec ug giandam na sa kampo niini ang MR. Hangtod Abril 2 ang tagal sa konsehal nga makasang-at sa iyang MR subay sa gihatag nga lima ka adlaw nga pagtubag sa maong desisyon. Kon ugaling i-deny ang MR niini, moapelar si Andales sa Comelec En Banc. (/DILT)(BANAT NEWS)