8,000 barangay health workers ipakatap sa probinsiya
CEBU, Philippines – Dili momenus 8,000 ka mga barangay health workers sa probinsya sa Sugbo ang gidirektahan nga mosuroy sa mga kabalayan alang sa paghatag og edukasyon kalabot sa tipdas ug sa benipisyo nga makuha sa mga bata kung mapabakunahan kini.
Kini human ang Department of Health (DOH) Central Visayas nideklarar og measle outbreak sa tibook rehiyon.
Si Jose Mari "Tata" Salvador ang chairman sa committee on health sa provincial board, miingon nga ang mga BHWs maoy adunay maayo nga relasyon sa mga ginikanan hinungdan nga sila ang gitahasan pagkombinsir sa mga inahan o sa mga guardians .
Nakasabot si Salvador nga ang kahadlok sa mga ginikanan karon nag sugod human sa kontrobersiya sa dengvaxia, apan sumala sa bokal nga importante gihapon nga mabakunahan ang mga bata paglikay sa sakit.
Sa iyang bahin, si Senador Sonny Angara miawhag sa mga ginikanan nga pabakunahan ilang mga anak. Alang kaniya, ang pag-immunize batok tipdas mao ang pinakamaayong proteksiyon aron malikayan ang sakit.
Si Angara kinsa usa sa mga authors sa Universal Health Care Bill, nagkanayon nga ang measles vaccines naa ra sa libre sa mga rural health clinics sa tibuok nasud.
"We are calling on parents to avail of the free vaccination at any barangay health center as measles is a highly infectious viral illness that can sometimes lead to serious health complications, including infections of the lungs and brain, and even death,” matud pa ni Angara.
Ang Department of Health-7 mipaubos na sa Code White agi ug pagtubag sa problema sa measles outbreak sa rehiyon sugod adlaw nga Lunes. Kini ang gibutyag ni Dr. Shelbay Blanco, ang pangulo sa Health Emergency Management System (HEMS). —Mitchelle Palaubsanon ug Rowena Capistrano/LPM (BANAT NEWS)
- Latest
