Senate inquiry sa patay sa Cebu gihangop

CEBU, Philippines – Gihulagway ni Vice Mayor Edgardo Labella nga ‘welcome development’ ang lakang sa Senate Minority Bloc nga nanawagan og  imbestigasyon labot sa mga nahitabong mga pagpatay sa Sugbo.

Partikular nga tanawon mao kining “One-time, big-time”(OTBT) operations sa Philippine sa National Police nga diin daghan sa mga subject operasyon ang nangamatay ug uban pang mga pagpatay nga diin mga polis ang gipasanginlang naghimo sa krimen sa nanglabay nga mga adlaw. Sa Senate Resolution 915 ang mga magbabalaod miingon nga nabalaka sila gumikan matod pa sa kalambigitan sa pipila ka mga polis nga mipatuman sa all-out war on drugs gobiyerno.

Kahinumduman nga si Mayor Tomas Osmeña miingon nga dihang miabot sa Sugbo sila si Cebu City Police Office Director Senior Superintendent Royina Garma ug Police Regional Office-7 Chief Superintendent Debold Sinas giingong diha nagsugod og saka ang ihap sa mga pagpatay sa Sugbo.

“Well, let us not jump into that conclusion that is why there is a need for investigation so that we will find out who are really behind these so it’s not quite accurate to immediately jump into conclusion that these two police officials are behind the killings,” dugang ni Labella.

Apan si Garma miingon nga di niya sakyan ang pasangil kay di siya politiko. Samtang si Sinas miingon nga nangandam na sila sa ilang data ug statistics nga ipresentar sa Senado kon madayon kini. (Decemay P. Padilla/IBM)(BANAT NEWS)