Mabdos nga nadakpan sa drugas nanganak

CEBU, Philippines — Wa magdugay human nadakpan ang babaye nga durugista nagbati na dayun kini diha sud sa karsel sa Dakbayan sa Talisay niadtong adlaw nga Huwebes.

Si SPO4 Frederick Larrobis sa Talisay City Police Station miingon nga ang maong mabdos nga babaye kansang pangalan gipugngan una sa Banat News ang nasikop didto sa Barangay Tanke sa dihang gihimo ang “one time big time operation” sa kapulisan.

Gipugngan lang ang pangan sa maong babaye. Siya maoy ikaduhang babaye nga mabdos nga nasikop sa gipahigayon nga operasyon sa Syudad sa Sugbo, Talisay, Mandaue ug Lapu-Lapu nianang adlawa.

Matud pa ni Larrobis human gisulod sa prisuhan ang maong babaye nagbati dayon kini hinungdan nga gitabang siya sa taga Talisay Rescue Emergency Action Team (TREAT) ug gidala dayon sa Talisay City District Hospital.

Asoy pa niya nga malampuson nga gihimugso sa maong babaye ang masuso nga lalaki.

Wala rasab dayon maglangay gibalik sa bilanggoan ang maong babaye samtang ang iyang anak ang gihatag ngadto sa iyang igsuon aron maoy moatiman niini.

Ang kapulisan niingon nga walay mahimo ang maong babaye tungod kay nakalapas man kini sa balaod nga kinahanglan niining atubangon. (BANAT NEWS)