CEBU, Philippines – Kanhi empleyado sa Cebu City Environment and Natural Resources (CCENRO) ang gidakop human nalutsan og warrant tungod sa pagpangilkil sa mga business establishments nga wala’y pagtugot sa Siyudad sa Sugbo sukad niadtong tuig 2010. Ang Municipal Trial Court in Cities Branch 8, Cebu City nakakita og probable cause nga moisyu og warrant of arrest batok ni Arante Aranas, 45, taga Barangay T. Padilla ning siyudad.
Ang warrant of arrest nigawas niadtong Hulyo 27, 2018 gikan sa sala ni MTCC Presiding Judge Grace Veloso.
Nagkanayon ang assistant director sa CCENRO Joelito Baclayon nga si Aranas nadestino kaniadto sa City Environmental Sanitation Enforcement Team (CESET) sukad niadtong 2010 apan gitaktak kini niadtong 2016 gumikan sa pagpangilkil sa mga negosyante.
Si Aranas sa iyang bahin mibutyag nga ang kawad-on maoy nagtukmod niya paghimo niini. (/IBM)(BANAT NEWS)