CEBU, Philippines — Misurender niadtong Martes sa buntag ngadto sa kapolisan sa lungsod sa Moalboal ang suspetsado sa pagpanunggab patay sa iyang gikainom niadtong Domingo sa kadlawon diha sa Barangay Gun-ob, dakbayan sa Lapu-Lapu.
Ang suspetsado mao si Michael Gloria Talledo, 39-anyos, nagpuyo sa Sitio Tugas, Barangay Babag sa maong dakbayan ug ang biktima mao si Lapulito Ochea, hingkod ang panuigon ug silingan sa suspetsado.
Si SPO1 Allan Pataleon sa homicide section sa Lapu-Lapu City Police Office (LLCPO) nagkanayon nga human sa insidente dali nga misibat paingon ngadto sa lungsod sa Moalboal si Talledo ngadto sa iyang mga kabanay.
Base sa imbestigasyon sa kapolisan sa dakbayan sa Lapu-Lapu nga sa wala pa mahitabo ang insidente sa pagpanunggab nagkalalis ang suspetsado ug biktima ug nagsinukmagay pa kini. (/BDB)(BANATNEWS)