Mabatid nidaug batok kliyente ni Arguedo
CEBU, Philippines – Pabor sa negosyanteng si Prisca Niña Mabatid ang desisyon sa National Labor Relations Commission (NLRC) Seventh Division sa kasong gisang-at sa kliyente sa iyang kaatbang nga si Atty. Daniel Francis Arguedo.
Si Mabatid ug Arguedo ang mag-atbang sa pagka-barangay kapitan sa Mabolo, Dakbayan sa Sugbo sa eleksiyon karong Mayo 14.
Ang NLRC’s Seventh Division sa Sugbo nibali sa desisyon ni Labor Arbiter Bertino Ruaya Jr. nga nagmando kang Mabatid, presidente sa PinoyCare Visa Center, sa pagbayad og P2.4 milyones nga back wages sa magtiayong Eva ug Ruben David delos Santos.
Si David nakatrabaho isip PinoyCare Visa country manager sa Middles East samtang si Eva isip co-speaker.
“Bare allegations of constructive dismissal, when uncorroborated by the evidence on record, cannot be given credence. Mere allegation is not evidence,” matud sa 18 ka pahina nga desisyon sa NLRC.
Ang desisyon gipakanaug niadtong Marso 28, 2018 ni Commissioner Julie Rendoque ug gipirmahan usab nilang Presiding Commissioner Violeta Ortiz-Bantug ug Commissioner Nendell Hanz Abella.
Matud ni Mabatid nga gidungog ang iyang pag-ampo ug mapalasamaton sa desisyon sa NLRC.
“Truth prevailed and justice is served,” nagkanayon si Mabatid. (BANAT NEWS)
- Latest
