Pahimangno sa mga beachgoers

CEBU, Philippines - Tungod kay summer season na, grupo sa mga environmentalists nag-awhag sa mga beachgoers nga dili magpataka og labay sa ilang mga basura ngadto sa dagat.

"We appeal to all vacationers not to abandon their discards in our beaches and other recreational sites. Leave only your footprints in the sands. Please don’t leave your cigarette butts, plastics and leftover foods behind,” matud ni Ochie Tolentino, Zero Waste Campaigner sa EcoWaste Coalition.

Ang EcoWaste Coalition nag-awhag usab sa mga domestic tourists nga maninguha alang sa “zero marine litter” hilabi na sa mga coastal areas aron masinati ang nindot nga summer vacation sa katawhan ug sa kalikupan.

Dungag ni Tolentino nga ang mga ginamit nga plastic carry bags nga gilabay sa dagat masaypan kini nga pagkaon sa mga hayop nga naa nagpuyo sa kadagatan ug nakahatag kini og kadaut ngadto kanila.

Nagkanayon si Tolentino nga aron sa pagpugong ug pagpaminus sa marine litters, giawhag usab nila ang mga beach-goers nga magdala og recyclable nga mga plato, baso, kutsara, tinidor ug uban pa.

Matud niya nga mas sayon dad-on ang mga disposable apan ang pagpataka og labay niini ang makadaut sa kalikupan. (BANAT NEWS)