Unom ka konsehal sa Lapu-lapu nanamilit
CEBU, Philippines - Gipasidunggan ang unom ka konsehal sa Dakbayan sa Lapu-Lapu nga matapos na sa ilang termino atol sa katapusang sesyon kagahapon.
Nitambong si Mayor Paz Radaza kuyog ni Bise Mayor Marcial Ycong, ang presiding officer, sa pagtunol sa plaque of recognition ngadto nilang Konsehal Queenie Malingin-Amman, Eduardo Cuizon, Alexander Gestopa, Efren Herrera, Florito Pozon ug Francisco Senerpida.
Si Malingin-Amman mao ang pangulo sa committee on women and children, si Cuizon sa committe on education and transportation, si Gestopa sa committee on environment, si Herrera sa committee on good government ug si Senerpida sa committee on personal development.
Ang mga mopuli sa ilang pwesto mao ang ilang kaalyado sa Liberal Party nga nidaug sa niaging eleksiyon nga sila si Cipriano Flores, Damian Gomez, Flaviano Hiyas Jr., Nelson Yap, Gregorio Paquibot Jr. ug Ricardo Amores.
Mapasalamaton ang mga last-termer nga mga konsehal ug pulos nipasalig nga ang ilang suporta pirme ihatag sa Deretso Team.
Nisaksi usab ang mga empleyado sa kalihukan sa session hall.
Si Radaza nagpasalamat sa mga outgoing nga mga konsehal sa ilang serbisyo diin nakatabang sila sa pagpalambo sa siyudad.
Ang mga konsehal nga nasublian sa bag-ong termino mao sila si Konsehal Melissa Dignos-Vidal, Elias Berdin, Harry Radaza, Eduardo Patalinjug, Leo Mercado ug Roque Wagwag. (BANAT NEWS)
- Latest
