CEBU, Philippines – Gibutyag sa bag-ong napili nga mayor ug bise mayor sa Dakbayan sa Mandaue, Kongresista Gabriel Luis “Luigi” Quisumbing ug Atty. Carlo Fortuna, ang ilang prayoridad sa unang 100 ka adlaw sa paglingkod sa katungdanan sugod Hulyo 1.
Nag-una niini ang pagsulbad sa problema sa trapiko, pagkolekta sa mga basura, socialized housings, pagpatukod og business center o investment promotions center, pagpalambo sa programa sa edukasyon, ug pagpatunhay sa kalinaw ug kahusay ilabi na ang pagpakigbatok sa ilegal nga drugas.
Matud ni Quisumbing nga gawas sa nahisgutan, ila usab atimanon ang ubang problema sama sa panglawas ug baha.
“By tradition, the first 100 days are usually what is used to set the tone for a new administration," matud ni Quisumbing atol sa 888 News Forum sa Marco Polo Plaza kagahapon. - /GMR) (BANAT NEWS)