CEBU, Philippines - Mipatuman na og mga kausaban ang tagdumala sa Mactan Cebu International Airport nga mao ang GMR-Megawide Cebu Airport Corporation nunot niini bakasyon sa Pasko ug sa pag-abot unya sa liboan ka mga dumuduong alang sa Sinulog ug ingon man mga delegado sa 51stInternational Eucharistic Congress sa buwan sa Enero sunod tuig. Ang pangulo sa ilang Corporate Affairs nga si Estee Marie Plunket nagkanayon kinahanglang dili mahasol ang mga dumuduong partikular na ang mga delegado gikan sa nagkadaiyang nasud. Plano nila nga magbutang og information desk sa tugpahanan, aron dunay maduolan ang mga delegado kun may mga pangutana. Moinstalar usab sila og flight information monitors ug dako nga signage alang sa security check point sa drop off points ug uban pa. (BANAT NEWS)