CEBU, Philippines – Nihangyo ang mga konsehal sa dakbayan sa Talisay nga sakop sa Alayon Party nga isuspenso ang sesyon kagahapon.
Matud ni Bise Mayor Romeo Villarante nga si Konsehal Socrates Fernandez ang nihangyo sa pagsibog sa adlaw sa sesyon tungod sa pagpatawag kanila ni kanhi kongresista Eduardo Gullas.
Kini ang nakapatumaw sa pagduda nga hayan magbaylo og daganan nga posisyon sila si Gullas ug apo niini nga si Kong. Gerald Anthony "Samsam" Gullas Jr.
Isyu sa pangedaron ang gigamit sa kaatbang batok ni Gullas kinsa magpapili sa pagka-mayor.
Apan matud ni Konsehal Richard Francis "Choy" Aznar, majority floor leader sa konseho ug sakop sa Alayon, nga pulos intriga ang mao’ng report. Matud ni Aznar nga aduna sila’y importante’ng tigum apan wala niya gidetalye.
Si Villarante nisanong sa hangyo sanglit dili man gihapon sila ma-korum. – /GMR) (BANAT NEWS)