CEBU, Philippines – Nihatag og ultimatum ang konseho sa dakbayan sa Sugbo sa Prevention, Restoration, Orderly, Beautification, Enhancement (PROBE) Team sa pagpatambong sa executive session karong adlawa.
Matud ni Konsehal Alvin Dizon ipatin-aw sa PROBE ang mga reklamo nga nadawat labot sa pagguba sa kabalayan palibot sa Doña Pepang Cemetery ug sa giingong pagkulata sa tindero sa Cebu South Bus Terminal.
Gipadayag ni Dizon nga nasagmuyo sila sa pagbaliwala lang sa PROBE sa mga imbitasyon.
Nibahad si Dizon sa paglaslas o pagtangtang sa hingpit sa budget sa mao’ng buhatan kung mapakyas gihapon sa pagtambong.
Si Dizon nipadayag nga angay hunahunaon sa mao’ng buhatan nga sundon nila ang mando alang sa kaayuhan sa katawhan nga mao’y nagsweldo kanila. – /GMR) (BANAT NEWS)